latest

വാൽസിങ്ഹാം തീർഥാടനവും പുനരൈക്യ വാർഷികവും കർദിനാൾ ക്ലിമിസ് കാതോലിക്കാ ബാവാ നയിക്കും

Editor  ,  2019-09-16 08:55:19pmm

 

ലണ്ടൻ ∙ സിറോ മലങ്കര കത്തോലിക്കാ സഭയുടെ യുകെ റീജിയനിലുള്ള പതിനാറ്‌ മിഷനുകൾ ഒത്തുചേരുന്ന ഈ വർഷത്തെ വാൽസിങ്ഹാം മരിയൻ വാർഷിക തീർഥാടനവും 89–ാം പുനരൈക്യ വാർഷികവും മലങ്കര കത്തോലിക്കാ സഭയുടെ തലവനും പിതാവുമായ അഭിവന്ദ്യ കർദിനാൾ ബസേലിയോസ് ക്ലിമിസ് കാതോലിക്കബാവ നയിക്കും. സെപ്റ്റംബർ 28ന് ഉച്ചക്ക് 11ന് ലിറ്റിൽ വാൽസിങ്ഹാമിലെ മംഗളവാർത്ത ദേവാലയത്തിൽ പ്രാരംഭ പ്രാർഥനയോടെയും ധ്യാനചിന്തയോടെയും തീർഥാടനത്തിന് തുടക്കം കുറിക്കും.
തുടർന്ന്  പരിശുദ്ധ മാതാവിന്റെ തിരുസ്വരൂപവും വഹിച്ചുകൊണ്ടുള്ള ഭക്തിസാന്ദ്രമായ തീർഥാടന പദയാത്രയിൽ യുകെ റീജിയനിലെ മലങ്കര സഭയുടെ 16 മിഷൻ കേന്ദ്രങ്ങളിൽ നിന്നുള്ള എല്ലാ കുടുംബങ്ങളും പങ്കെടുക്കും. നൂറ്റാണ്ടുകളായി അനേകലക്ഷം തീർഥാടകർ നഗ്നപാദരായി സഞ്ചരിക്കുന്ന ഹോളി മൈലിലൂടെ ജപമാലയും മാതൃ ഗീതങ്ങളും പുനരൈക്യ ഗാനങ്ങളും ആലപിച്ചു മലങ്കരസഭാ മക്കൾ പ്രാർത്‌ഥനാപൂർവ്വം നടന്നു നീങ്ങും. വാൽസിംഗാമിലെ റോമൻ കാതോലിക് നാഷണൽ ഷ്റൈനിൽ എത്തിച്ചേരുന്ന തീർഥാടനത്തെ വൈസ് റെക്ടറുടെ നേതൃത്വത്തിലുള്ള സംഘം സ്വീകരിക്കും.

ലണ്ടൻ :  സിറോ മലങ്കര കത്തോലിക്കാ സഭയുടെ യുകെ റീജിയനിലുള്ള പതിനാറ്‌ മിഷനുകൾ ഒത്തുചേരുന്ന ഈ വർഷത്തെ വാൽസിങ്ഹാം മരിയൻ വാർഷിക തീർഥാടനവും 89–ാം പുനരൈക്യ വാർഷികവും മലങ്കര കത്തോലിക്കാ സഭയുടെ തലവനും പിതാവുമായ അഭിവന്ദ്യ കർദിനാൾ ബസേലിയോസ് ക്ലിമിസ് കാതോലിക്കബാവ നയിക്കും. സെപ്റ്റംബർ 28ന് ഉച്ചക്ക് 11ന് ലിറ്റിൽ വാൽസിങ്ഹാമിലെ മംഗളവാർത്ത ദേവാലയത്തിൽ പ്രാരംഭ പ്രാർഥനയോടെയും ധ്യാനചിന്തയോടെയും തീർഥാടനത്തിന് തുടക്കം കുറിക്കും.

 

തുടർന്ന്  പരിശുദ്ധ മാതാവിന്റെ തിരുസ്വരൂപവും വഹിച്ചുകൊണ്ടുള്ള ഭക്തിസാന്ദ്രമായ തീർഥാടന പദയാത്രയിൽ യുകെ റീജിയനിലെ മലങ്കര സഭയുടെ 16 മിഷൻ കേന്ദ്രങ്ങളിൽ നിന്നുള്ള എല്ലാ കുടുംബങ്ങളും പങ്കെടുക്കും. നൂറ്റാണ്ടുകളായി അനേകലക്ഷം തീർഥാടകർ നഗ്നപാദരായി സഞ്ചരിക്കുന്ന ഹോളി മൈലിലൂടെ ജപമാലയും മാതൃ ഗീതങ്ങളും പുനരൈക്യ ഗാനങ്ങളും ആലപിച്ചു മലങ്കരസഭാ മക്കൾ പ്രാർത്‌ഥനാപൂർവ്വം നടന്നു നീങ്ങും. വാൽസിംഗാമിലെ റോമൻ കാതോലിക് നാഷണൽ ഷ്റൈനിൽ എത്തിച്ചേരുന്ന തീർഥാടനത്തെ വൈസ് റെക്ടറുടെ നേതൃത്വത്തിലുള്ള സംഘം സ്വീകരിക്കും.

 

രണ്ടു മണിക്ക് നടക്കുന്ന ആഘോഷമായ വിശുദ്ധ കുർബാനയിൽ കർദിനാൾ ക്ലിമിസ് കാതോലിക്ക ബാവ മുഖ്യ കാർമ്മികനാവും. യുകെ റീജിയൻ കോർഡിനേറ്റർ ഫാദർ തോമസ് മടുക്കമൂട്ടിൽ, ചാപ്ലെയിൻമാരായ ഫാദർ രഞ്ജിത് മടത്തിറമ്പിൽ, ഫാദർ ജോൺ അലക്‌സ്, ഫാദർ ജോൺസൻ മനയിൽ എന്നിവർ ശുശ്രൂഷകളിൽ സഹകാർമ്മികരാകും.

പുനരൈക്യത്തിന്റെ 89മത് വാർഷികവേളയിൽ ഇത്രത്തോളം സഭയെ വഴിനടത്തിയ ദൈവകൃപക്ക്  സഭാ തലവനോടൊപ്പം ചേർന്നു നന്ദി പറയാൻ അവസരം ലഭിക്കുന്ന സന്തോഷത്തിലാണ് യുകെയിലെ മലങ്കര സഭ. സഭയുടെ യുകെ കോർഡിനേറ്റർ ഫാദർ തോമസ് മടുക്കമൂട്ടിലിന്റെ നേതൃത്വത്തിലുള്ള വൈദികരും നാഷണൽ കൗൺസിൽ അംഗങ്ങളും മിഷൻ ഭാരവാഹികളും അടങ്ങുന്ന സംഘാടക സമിതിയുടെ നേത്യത്വത്തിൽ തീർഥാടനത്തിനും പുനരൈക്യ വാർഷികത്തിനുമുള്ള ഒരുക്കങ്ങൾ പുരോഗമിക്കുകയാണെന്ന് സംഘാടകർ അറിയിച്ചു.

 



Latest

Copyrights@2016.