europe

UKKCA കൺവെൻഷൻ ജൂൺ 29 ന് ബിർമിൻഹാമിലെ ബെഥേൽ കൺവെൻഷന് സെന്ററിൽ

Saju Kannampally  ,  2019-03-29 08:46:46amm

UKKCA കൺവെൻഷൻ ജൂൺ 29 ന്.  ഒരുക്കങ്ങൾ തകൃതി യുകെയിലെ ക്നാനായക്കാരുടെ അഭിമാനമായ കൺവെൻഷൻ എന്ന ക്നാനായ മാമാങ്കം 2019 ജൂൺ 29 ന് ബിർമിൻഹാമിലെ ബെഥേൽ കൺവെൻഷന് സെന്ററിൽ നടത്തുവാൻ ജനുവരി 19 ന് ചേർന്ന നാഷണൽ കൌൺസിൽ ഐക്യകണ്ഡേന തീരുമാനിച്ചു. വർഷത്തിൽ ഒരിക്കൽ യുകെയിലെ മുഴുവൻ ക്നാനായകാരും ഒത്തുകൂടി അവരുടെ സൗഹൃദങ്ങളും കുടുംബ ബന്ധങ്ങളും നിലനിർത്തി അതിലൂടെ ക്നാനായ ജനതയുടെ തനിമയും ഒരുമയും വിശ്വാസവും കൂടുതൽ ദൃഢപ്പെടുത്തുന്നതിനുള്ള അവസരമാണ് ലക്ഷ്യമിടുന്നത്.

മിഡ്‌ലാൻഡിലെ തന്നെ ഏറ്റവും വിശാലമായ Bethel കൺവെൻഷൻ സെന്ററിലാണ് ഈ വർഷത്തെ കൺവെൻഷൻ എന്ന ഉത്സവം കൊണ്ടാടുക. "വിശ്വാസവും പാരമ്പര്യവും കൈമുതലാക്കി, പ്രതിസന്ധികളിൽ പതറാതെ ക്നാനായക്കാർ" എന്ന ആപ്തവാക്യത്തിൽ ഊന്നി മുൻവർഷങ്ങളിൽനിന്നും വളരെ വ്യത്യസ്‍തമായി രീതിയിൽ ആഘോഷിക്കുവാനാണ് സെൻട്രൽ കമ്മിറ്റിയുടെ നേതൃത്വത്തിൽ തയാറെടുപ്പുകൾ നടക്കുന്നത്.

ടിക്കറ്റ് വില്പനയുടെ ഉത്‌ഘാടനം  മാർച്ച് 30 ശനിയാഴ്ച ലിവർപൂളിൽ വച്ച് നടക്കുന്ന നോർത്‌വെസ്റ് കൺവെൻഷനിൽ UKKCA treasurer വിജി ജോസഫ് £500 ന്റെ dimond Entry pass എടുത്തിരിക്കുന്ന കുടുംബങ്ങൾക്ക് നൽകികൊണ്ട് നിർവ്വഹിക്കുന്നതായിരിക്കും.



Latest

Copyrights@2016.