america

അമേരിക്കയിലെ അലാസ്‌ക വിമാനത്താവളത്തില്‍ വിമാനാപകടം ; ഒരു മരണം, 42 പേര്‍ക്ക് പരിക്ക്

Tiju Kannampally  ,  2019-10-19 02:19:33amm

വാഷിംഗ്ടണ്‍ : അമേരിക്കയിലെ അലാസ്‌ക വിമാനത്താവളത്തില്‍ വന്‍ അപകടം. വിമാനം നിയന്ത്രണം വിട്ട് റണ്‍വേയ്ക്ക് പുറത്തേയ്ക്ക് പാഞ്ഞാണ് അപകടമുണ്ടായത്. അപകടത്തില്‍ ഒരാള്‍ മരിക്കുകയും ചെയ്തു. വാഷിംഗ്ടണ്‍ സ്വദേശിയായ ഡേവിഡ് അല്ലന്‍ (38) ആണ് മരിച്ചത്. കൂടാതെ 42 പേര്‍ക്ക് പരിക്കേറ്റിട്ടുണ്ട്. ഇവരില്‍ ചിലരുടെ നില ഗുരുതരമായി തുടരുകയാണ്. മരണ സംഖ്യ ഉയര്‍ന്നേയ്ക്കുമെന്നും റിപ്പോര്‍ട്ടുണ്ട്. കഴിഞ്ഞ ദിവസം രാത്രിയാണ് അലാസ്‌ക എയര്‍ലൈന്‍സ് 3296 വിമാനം ആണ് ലാന്റ് ചെയ്യുന്നതിനിടെ അപകടത്തില്‍പ്പെട്ടത്. നിയന്ത്രണം വിട്ട വിമാനം റണ്‍വേ തീരുന്നിടത്ത് നിന്നും വീണ്ടും മുന്നോട്ട് പോയി സമീപത്തെ ഹാര്‍ബറിലേക്ക് ഇടിച്ച്‌ കയറിയാണ് നിന്നത്. അപകടത്തില്‍ വിമാനത്തിന് വലിയ നാശനഷ്ടം സംഭവിച്ചിട്ടുണ്ട്.



Latest

Copyrights@2016.